ਕਿਸਾਨ ਧਰਨੇ ਦਾ ਸਨਅਤੀ ਮਜ਼ਦੂਰ ਜਥੇਬੰਦੀ ਵੱਲੋਂ ਸਮਰਥਨ
ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਵਲੋਂ ਕੇਂਦਰ ਤੇ ਪੰਜਾਬ ਸਰਕਾਰ ਦੀਆਂ ਲੋਕ ਦੁਸ਼ਮਣ ਸਾਮਰਾਜੀ ਨੀਤੀਆਂ , ਭਾਰਤ -ਅਮਰੀਕਾ ਮੁਕਤ ਵਪਾਰ ਵਾਰਤਾ , ਮਜ਼ਦੂਰ ਵਿਰੋਧੀ 4 ਕਿਰਤ ਕੋਡਾਂ , ਨਿੱਜੀਕਰਨ , ਵਧਦੀ ਮਹਿੰਗਾਈ ਤੇ ਹਕੂਮਤੀ ਜਬਰ ਖਿਲਾਫ਼ ਅਤੇ ਹੱਕੀ ਮੰਗਾਂ ਸਬੰਧੀ 30 ਅਗੱਸਤ ਤੋਂ 14 ਸਤੰਬਰ ਤੱਕ ਸੂਬੇ ਭਰ 'ਚ ਡੀ ਸੀ ਦਫਤਰਾਂ ਅੱਗੇ ਦਿਨ -ਰਾਤ ਦੇ ਲਾਏ ਪੱਕੇ ਮੋਰਚਿਆਂ ਦਾ ਮੋਲਡਰ ਐਂਡ ਸਟੀਲ ਵਰਕਰਜ਼ ਯੂਨੀਅਨ (ਰਜਿ:) ਲੁਧਿਆਣਾ ਵਲੋਂ ਸਮਰਥਨ ਕਰਦੇ ਹੋਏ ਜ਼ਿਲਾ ਕਚਹਿਰੀ ਲੁਧਿਆਣਾ 'ਚ ਕਿਸਾਨ ਮੋਰਚੇ 'ਚ ਵਰਕਰ ਸਾਥੀਆਂ ਸਮੇਤ ਸ਼ਮੂਲੀਅਤ ਕਰਦੇ ਰਹੇ। ਸਨਅਤੀ ਮਜ਼ਦੂਰਾਂ ਤੇ ਹੌਜਰੀ ਵਰਕਰਾਂ ਦੀਆਂ ਜਨਤਕ ਮੀਟਿੰਗਾਂ ਕਰਵਾ ਕੇ ਭਾਰਤ-ਅਮਰੀਕਾ ਵਪਾਰ ਸਮਝੌਤੇ ਨਾਲ ਪਹਿਲਾਂ ਹੀ ਸੰਕਟਗ੍ਰਸਤ ਖੇਤੀ-ਬਾੜੀ , ਸਹਾਇਕ ਧੰਦਿਆਂ ਡੇਅਰੀ , ਪੋਲਟਰੀ, ਮੱਛੀ ਪਾਲਣ ਦੇ ਨਾਲ ਨਾਲ ਛੋਟੇ ਕਾਰੋਬਾਰਾਂ, ਪ੍ਰਚੂਨ ਵਪਾਰ, ਛੋਟੀ ਸਨਅਤ, ਹੌਜਰੀ/ਕੱਪੜਾ ਸਨਅਤ ਦੀ ਤਬਾਹੀ ਨਾਲ ਵੱਡੇ ਪੱਧਰ 'ਤੇ ਬੇਰੁਜ਼ਗਾਰੀ ਤੇ ਮਹਿੰਗਾਈ ਦੀ ਵਿਆਪਕ ਮਾਰ ਪਵੇਗੀ। ਕਿਰਤ ਕੋਡ , ਨਿੱਜੀਕਰਨ , ਹਕੂਮਤੀ ਜਬਰ , ਕਰਜ਼ੇ , ਸਮੇਤ 13 ਮੰਗਾਂ 'ਤੇ ਬੀ ਕੇ ਯੂ ਏਕਤਾ ਉਗਰਾਹਾਂ ਵਲੋਂ ਸ਼ੁਰੂ ਕੀਤਾ ਅੰਦੋਲਨ ਮਜ਼ਦੂਰ ਕਿਸਾਨ , ਮੁਲਾਜ਼ਮ ਤੇ ਮਿਹਨਤਕਸ਼ ਲੋਕਾਂ ਦਾ ਸਾਂਝਾ ਅੰਦੋਲਨ ਬਣਦਾ ਹੈ, ਉਸ ਵਿੱਚ ਸ਼ਮੂਲੀਅਤ ਕਰਕੇ ਮਜ਼ਬੂਤ ਕਰਨ ਦਾ ਸੱਦਾ ਦਿੱਤਾ। ਕਿਸਾਨ ਮੋਰਚੇ ਦੇ ਪਹਿਲੇ ਦਿਨ , 4 ਸਤੰਬਰ ਨੂੰ ਸੰਘਰਸ਼ਸ਼ੀਲ ਮਜ਼ਦੂਰ ਮੁਲਾਜ਼ਮ ਪੈਨਸ਼ਨਰਾਂ ਨੂੰ ਸਮਰਪਿਤ , 12 ਸਤੰਬਰ ਆਮ ਆਦਮੀ ਪਾਰਟੀ ਮੰਤਰੀ ਤਰੁਨਪ੍ਰੀਤ ਸੌਂਦ ਖੰਨਾ ਦੀ ਕੋਠੀ ਦਾ ਘੇਰਾਓ ਪ੍ਰੋਗਰਾਮ ਅਤੇ ਅਖੀਰਲੇ ਦਿਨ ਡੀ ਸੀ ਦਫ਼ਤਰਾਂ ਦੇ ਘੇਰਾਓ ਐਕਸ਼ਨਾਂ 'ਚ ਵਿਸ਼ੇਸ਼ ਸ਼ਮੂਲੀਅਤ ਕੀਤੀ। ਇਸ ਘੋਲ ਸੱਦੇ ਦੌਰਾਨ ਹਰਜਿੰਦਰ ਸਿੰਘ ਪ੍ਰਧਾਨ , ਜੀ ਐਸ ਜੌਹਰੀ , ਭੈਣ ਮਨਜੀਤ ਕੌਰ ਵੀ ਸੰਬੋਧਨ ਕਰਦੇ ਰਹੇ।
No comments:
Post a Comment