ਕਾ. ਸੋਹੀ ਦੇ ਸ਼ਰਧਾਂਜਲੀ ਸਮਾਗਮ ਵੇਲੇ ਸੰਦੇਸ਼ਾਂ ਅਤੇ ਤਕਰੀਰਾਂ 'ਚੋਂ
* ਉਹਨਾਂ ਦੀਆਂ ਅਦੁੱਤੀ ਦੇਣਾਂ ਸਾਡੀ ਅਗਵਾਈ ਕਰਨਗੀਆਂ। - ਸੀ.ਪੀ.ਆਰ.ਸੀ.ਆਈ. (ਐਮ.ਐਲ)
* ਉਹ ਕਮਿਊਨਿਸਟ ਇਨਕਲਾਬੀ ਲਹਿਰ ਅਤੇ ਇਨਕਲਾਬੀ ਲਹਿਰ ਉੱਪਰ ਇੱਕ ਅਮਿੱਟ ਛਾਪ ਛੱਡ ਕੇ ਗਏ ਹਨ
-ਸੀ.ਪੀ.ਆਈ.ਐਮ.ਐਲ. (ਨਿਊ ਡੈਮੋਕਰੇਸੀ)
* ਉਹਨਾਂ ਨੇ ਹਮੇਸ਼ਾਂ ਮਾਰਕਸਵਾਦ-ਲੈਨਿਨਵਾਦ-ਮਾਓ ਵਿਚਾਰਧਾਰਾ ਦਾ ਝੰਡਾ ਬੁਲੰਦ ਰੱਖਿਆ
-ਸੀ.ਪੀ.ਆਈ.(ਮਾਓਵਾਦੀ)
* ਵਿਚਾਰਧਾਰਾ ਦੀ ਦ੍ਰਿੜਤਾ ਨਾਲ ਰਾਖੀ ਕਰਕੇ ਉਹਨਾਂ ਨੇ ਅਮਿੱਟ ਛਾਪ ਛੱਡੀ
-ਮੁੜ-ਜਥੇਬੰਦਕ ਕਮੇਟੀ, ਕਮਿਊਨਿਸਟ ਲੀਗ ਆਫ ਇੰਡੀਆ
* ਜਨ-ਦਿਸ਼ਾ ਨੂੰ ਅਮਲੀ ਰੂਪ ਦੇਣ 'ਚ ਕਾਮਰੇਡ ਸੋਹੀ ਨੇ ਅਹਿਮ ਰੋਲ ਨਿਭਾਇਆ।
-ਕਮਿਊਨਿਸਟ ਲੀਗ ਆਫ ਇੰਡੀਆ (ਰਾਮਨਾਥ)
* ਕਾਮਰੇਡ ਮਾਓ ਦੀ ਮੌਤ ਤੋਂ ਬਾਅਦ, ਚੀਨ ਦੀ ਰਾਜਸੱਤਾ ਉੱਪਰ ਕਾਬਜ਼ ਹੋਈ ਤੈਂਗ ਜੁੰਡਲੀ ਦੀ ਸੋਧਵਾਦੀ ਖਸਲਤ ਨੂੰ ਪਛਾਨਣ ਵਾਲੇ ਭਾਰਤ ਵਿੱਚ ਉਹ ਪਹਿਲੇ ਵਿਅਕਤੀ ਸਨ
-ਇਨਕਲਾਬੀ ਕਮਿਊਨਿਸਟ ਲੀਗ ਭਾਰਤ
* ਉਹ ਮਾਓ-ਵਿਚਾਰਧਾਰਾ ਅਤੇ ਨਕਸਲਬਾੜੀ ਦੀ ਰੂਹ ਦੀ ਸਭ ਤੋਂ ਜ਼ੋਰ ਨਾਲ ਰਾਖੀ ਕਰਨ ਵਾਲੇ ਚੋਟੀ ਦੇ ਆਗੂਆਂ ਵਿੱਚ ਸ਼ਾਮਲ ਸਨ।
-ਜਸਪਾਲ ਜੱਸੀ
* ਉਹਨਾਂ ਨੇ ਵਿਚਾਰਧਾਰਾ ਦੀ ਰੌਸ਼ਨੀ 'ਚ ਸਪੱਸ਼ਟ ਨਿਰਣੇ ਕੀਤੇ ਅਤੇ ਸੋਧਵਾਦ ਨਾਲੋਂ ਨਿਖੇੜੇ ਦੀ ਸਪੱਸ਼ਟ ਲਕੀਰ ਖਿੱਚੀ
-ਬਲਵੰਤ ਮੱਖੂ
* ਉਹਨਾਂ ਨੇ ਜਨਤਾ ਦੇ ਸਿਰ 'ਤੇ ਉਲਟ-ਇਨਕਲਾਬੀ ਜਬਰ ਨਾਲ ਭਿੜਨ ਦਾ ਰਾਹ ਵਿਖਾਇਆ
-ਮੁਖਤਿਆਰ ਸਿੰਘ ਪੂਹਲਾ
* ਜੂਨੀਅਰ ਕਾਰਕੁੰਨਾਂ ਨੂੰ ਉਤਸ਼ਾਹਤ ਕਰਨ ਦਾ ਗੁਣ ਉਹਨਾਂ ਦੀ ਵਿਸ਼ੇਸ਼ ਖੂਬੀ ਸੀ।
-ਦਰਸ਼ਨ ਖਟਕੜ
* ਸਾਡਾ ਨਿੱਜੀ ਰਿਸ਼ਤਾ ਬਰਾਬਰੀ ਦਾ ਰਿਸ਼ਤਾ ਸੀ, ਮੈਨੂੰ ਉਹਨਾਂ ਦੇ ਵਿਚਾਰਾਂ ਤੋਂ ਤਾਕਤ ਮਿਲੀ, ਮੈਂ ਕਾਫ਼ਲੇ ਨੂੰ ਵਧਦਾ-ਫੁੱਲਦਾ ਦੇਖਣਾ ਚਾਹੁੰਦੀ ਹਾਂ
-ਜੀਵਨ-ਸਾਥਣ ਮਹਿੰਦਰ ਕੌਰ
* ਹਰਭਜਨ ਭਾਰਤੀ ਇਨਕਲਾਬ ਦਾ ਨਿਰਮਾਤਾ ਹੋਵੇਗਾ
-ਨਿੱਜੀ ਮਿੱਤਰ ਡਾ. ਸੁਰਜੀਤ ਲੀ
* ਮੈਨੂੰ ਉਸਦਾ ਦੋਸਤ ਹੋਣ 'ਤੇ ਫ਼ਖਰ ਹੈ
-ਡਾ. ਪਰਮਿੰਦਰ ਸਿੰਘ ਸੰਧੂ
* ਉਹ ਅੰਤ ਤੱਕ ਲੋਕ-ਨਾਇਕ ਭਗਤ ਸਿੰਘ ਵਾਲੇ ਰਾਹ 'ਤੇ ਤੁਰਨ ਵਾਲੇ ਵਿਰਲਿਆਂ ਵਿੱਚ ਸ਼ਾਮਿਲ ਰਿਹਾ
-ਨਾਵਲਕਾਰ ਗੁਰਦਿਆਲ ਸਿੰਘ
* ਮੈਂ ਜ਼ੋਰ ਦੇ ਕੇ ਕਹਿੰਦਾ ਹਾਂ ਕਿ ਉਹ ਬਹੁਤ ਹੀ, ਬਹੁਤ ਹੀ ਸਿਆਣਾ ਬੰਦਾ ਸੀ
-ਗੁਰਸ਼ਰਨ ਸਿੰਘ
* ਅਜੋਕੀ ਹਾਲਤ ਨੂੰ ਨਿਰਖਣ ਤੇ ਦਿਸ਼ਾ ਦੇਣ ਦੀ ਕਾਬਲੀਅਤ ਮੈਨੂੰ ਉਸੇ 'ਚ ਨਜ਼ਰ ਆਉਂਦੀ ਸੀ
-ਪ੍ਰੋ. ਅਜਮੇਰ ਸਿੰਘ ਔਲਖ
* ਉਹ ਢੁੱਕਵੇਂ ਰਾਹਾਂ ਦਾ ਸਿਰਕੱਢ ਖੋਜੀ ਅਤੇ ਕਮਿਊਨਿਸਟ ਇਨਕਲਾਬੀ ਸਿਆਸਤ ਦਾ ਚੋਟੀ ਦਾ ਆਗੂ ਸੀ
-ਕਾਮਰੇਡ ਗੰਧਰਵ ਸੇਨ
* ਪ੍ਰੋਫੈਸਰ ਸੋਹੀ ਨੇ ਲੋਕਾਂ ਦੀ ਮੁਕਤੀ ਦਾ ਰਾਹ ਨਵੀਂਆਂ ਲੀਹਾਂ ਪਾ ਕੇ ਰੌਸ਼ਨ ਕੀਤਾ
- ਸੁਰਿੰਦਰ ਕੁਮਾਰੀ ਕੋਛੜ
